Print

CARRIERA ECCLESIASTICA

Carriera Ecclesiastica

 

A spasegiava su e giù long ij viaj del Seminari

E sognand a euj dovert as fasia l’inventari.

 

Ancora poch e peui son preive e peui cand chi son curà

Poch ch’i fass ‘n pass anans peuss andè a funi ‘n sità.

 

Li se un as da da fè e as buta ‘n poch en vista

L’è na cosa evidenta, a ven parco o curialista.

 

Peui con causs ‘n pass e ‘n saut, un diventa Monsignor,

da li peui diventè Vesco basta mach cambiè ij color.

 

Quand che peuj un a l’è vesco i’è dle volte ch’a a va a Roma

E la ‘n Curia l’è pà facil fè dla brecia, già i lo soma.

 

Ma se un l’è pa na rava a peul ‘d cò parlè con el Papa

E per chiel fe ‘n Cardinal a l’è propi mach na lapa.

 

Se un bel di ai murisa ‘l papa (pa per augurie ‘d mal)

Quand ch’ai fussa n’aout conclave varda si chi intro ‘n bal.

 

Pensa ‘n po diventè papa che onor! Che autorità!

L’è na cosa trop grandiosa ch’a ‘n fa fin-a stè ‘mbajà.

 

Ma s’an fan papa che nom pijè? Bonifacio, Clemente o Celestino?

Ma ‘l retor ch’a l’a sentù en passand darè ai dis…..

 

Balengo Primo!.

 

                                                             Giovenale Tallone
 
   
Print

CIOCHIN

Ciochin

 

Mi i l’hai n’Amis,

n’Amis che mach da poch l’ho conossù;

l’è sol, sempre gropà a na caden-a grossa come ‘l dil,

tra un vej cancel e un sach d’amnis.

 

Ed volte, ch’i son a gir per comission,

chiel am ved, e a sauta subit su

viscand ant j’euj un ragg ed lus gentil,

e soa boca, pien-a ‘d bej denton,

bianch che a sbaluco, as deurb ant n’ soris,

squasi a voreissa deme ‘l benvenù…

 

Mi i l’hai n’Amis, dabon!

L’hai conossulo mach da ‘n pochi ‘d di;

l’ha ‘l peil bondos, color ‘d sampagn e ‘d mon,

e a l’è sempre gropà drè d’un cancel.

 

Mi, quand che i passo, peuss nen fene a meno

Ed fè passè mia man ‘nt la cancelà

E feja na caressa; e chiel, stà li’

A rimireme con d’euj che stermà,

a-j termola un quaicos d’indefini’;

forse goj….. forse, malinconia;

peui, quand che im bogio, per andemne via,

tut so corp a frisson-a, squasi a di’:

“Lass-me nen si, Amis; portme con ti..

Portme con ti, an qualunque post, ch’a sia…

Mi it vorrai bin, come gun a podria ‘d pi””

 

Si, mi i l’hai n’Amis;

forse pi Amis che lon che i lo son mi

 

                                                                Mario Cerutti
 
   

Visitors

Flag Counter