Print

NATAL

NATAL

 

Come a fusso granin-e d’un rosari,

con na fila longa ‘d tanti misteri,

j’ani a van un dop l’autr, a smija nen vèra,

 

Sta roa ch’a gira come na dèmora,

signa Natal, Carlevè, primavera.

Gnun, però, la pija mai sel seri

E la mort a riva con so scartari a nostra ora.

 

As peul pa fela franca,

a conta pi’ nen né art e né siensa

s’at riva sel cupiss la soa man bianca.

 

Ma ti Gesù, con toa santa clemensa,

argionta a nost fagot, tut lon ch’a-j manca

per ch’is presento a l’ultima toa udiensa.

Con el cheur pur e a post con la cossiensa.

 

                                            Galucio
 
   
Print

ORASSION / L'OSLOT

Orassion

 

O Signor, a drumi’ me em na vagh,

l’anima mia, me ev la dagh,

e se em vniss da muri’ sensa confession,

O Signor, me av ciam perdon.

 

 

 

                                                                       Margherita Bosso Tomalino

 

 

 

                                 L’OSLOT

 

Ant me pra a-i è n’oslot che a fervè

A torna sempre.

Mi i seu nen da dov a vena ma i lo spet con tut er cheur.

Chiel a canta tanto ben, smija ch’a disa:

“ It ven-to nen? L’invern a l’è fini

 a-i  tornara bela stagion.

Levte, lesta, fa come mi ch’im lev prest a veghe er di.

E peu dis n’orassion e ringrassia nostr Signor ch’a la date tante cose:

mi ‘t compagn con er me cant.

 

 

                                                                 Laura Mondino (IV Elementare)
 
   

Visitors

Flag Counter