Print

IL FARISEO E IL PUBBLICANO

El fariseo e ‘l pubblican

 

Tuti doi, van per di ‘l Bin, un a l’è un balon gonfià

laut un pover patachin, senssa sod e afamà.

 

Cost as quacia ‘nt un canton antl’ultim banch ‘nginoja

mach pensand ‘d ciamè perdon.

 

L’aout garofo pansarù en vardand-se ‘n sa e ‘n là

va anans tut galarù.

 

Drit e dur come ‘n panòt là piantà ‘n bel mes

taca a fesse ‘l so strambot:

 

“Mi ‘t ringrassio o Nosgnor ch’it l’ei fame tut d’un toch

e ‘tl ‘ei fame un’om d’onor.

Mi quand passo per la strà tutti am vardo con rispet

Perché san dla mia bontà.

Ma i l’eu sempre travaja e i son dame edco da fè”.

 

“ Mi son nen come col gajoff angrumli’ lagiù al fond

ch’a a l’ha sempre valù poch.

L’è un om sensa dignità sempre bon mach a ciamè

E mach sempre afamà”

 

Mach che ‘l Crist a lìè stuffiasse a senti tanta folarià

E l’ha tacà a fe bogie i pè

S’ampajava pa l’etrasse a lo piava a pe darè.
 
   
Print

EL PORTACOA

El portacoa

 

I grossi papaver – setà al cadreghin

A l’han sempre d’antorn ij so galopin.

Lor van a serchesse – ed coi personage

Ch’as vendo a lor – con armi e bagage.

Un òm che ai potent – a-i fa sempre la roa

Ch’a se specialisa – a fè ‘l portacoa.

 

Un ed coi tipo – sensa spin-a dorsal

Ch’a l’è refratari – sia al bin, sia al mal;

un original – ch’a piega la schin-a

fa gnanca damanca – che ‘l cap ai lo ordin-a.

Ch’a basta ch’a-i disa – ed gavesse ‘l capel

Che chiel a se scianca –edco fin-a ‘l servel.

 

Se ‘l so principal – a l’ha l’enfreidor

Chiel tut el di – as suva ‘l bagnor

E per essi sicur – ed pa feje dij tort

Se ‘l cap pija l’euli – chiel va del corp.

Basta che ‘l cap – a-i fassa ‘n soris

A sta pi ‘ntla pel – a lè già ‘n Paradis.

 

Se ‘l cap a telefona – chiel s’ausssa ‘n pè

Ma i so inferior – sa feje crasè.

E se na matin – a marca tempesta

Sa pi cosa fa – perd fin-a la testa.

Ma a basta che ‘l cap – a-i volta la schin-a

Chiel pi che ‘mpressa a-i fa la caplin-a.

 

La paga ch’a-i dan –l’è sempre pi auta

Pertant ch’a peussa – rumiè ‘pi la pauta.

En tuta la vita – chiel va serchè

Andova ch’a j’è –  da rumè.

 

Ma se ‘n brut di – la stejla cambia

E la posission è a lè ch’a bautia

El bot en blan – sensa na rupia

Chiel pi che ‘mpressa – cambia la grupia.

 

 

                                           Giovenale Tallone
 
   

Visitors

Flag Counter