Print

Ij Fieuj

Ij Fieuj

 

Pare l’è a la fin

Ant’el so let con j’euj sarà

A spetà ‘d tirè ij causet.

Ji so fieuj ai pè del let

A parlo pian ‘ntra ‘d lor.

 

“Mi ij dirja che la cassia

A dev pà essi trop ‘d lusso

Tant va mach li’ a marsè”.

 

L’aot tut comos (pensand a le spejse)

“Mi ‘me smija che dij manifest

A fa pa damanca

A son mach sod sgheirà;

foma cori la vos

parej tuti a lo san”.

 

“Per ij fior peù (n’aot a dis)

Gnanca da parlene

Tant a chiel a-i piasu pà”.

 

“la vitura peui gnanca da parlene

Lo portoma a spala noj quatt

E parej l’è ‘ncora mej:

a son spejse avansà”

 

Dop en poch el pare

A senti tanta generosità

A deurv j’ieuj a fa:

 

“fe ‘l piasi’ deme ‘l braje

Parej mi m’encamin a pè:

quand ij meujra son già là

e iv fas gnanca spendi ‘n piè”

 

 

                                            Giovenale Tallone
 
   
Print

‘L 6 ‘d via Cuni

‘L 6 ‘d via Cuni

‘L 6 ‘d Via Cuni, l’e na ca veja,

che gnanca na volta, l’era nen bela.

Davanti al porton, doe bale ‘d ciman

Paravo i canton dal crep d’ij carton

Ch’a intravo e cariavo ji scart ‘d metal

Da cola oficina, là n’ fond ‘d la cort,

na cort con le sterne piantà ‘ns l’ batù.

D’en mez de sta cort, se ti t’aosse j’eui

‘t vedde i pogeuj carià de stendua con tanti tacon.

Su ogni pogeul j’è ‘n paira d’alogg

E ‘n cess n’ comun: j’è nen na nasnà,

j’è mac tant rabel e odor ‘d frità.

A l’è propi li, al fond del prim pian

Che son naje mi

Mi goardo i pogeuj con cola stendua, là in fond ‘d la cort a jè ‘l finimond

Ch’a fa l’oficina e ‘l cel lassù ‘n aria

A smia ‘n tendon d’en griz cosi sporc

Ch’a cria – Laveme –

‘m buta vergogna! Vergogna ma ‘d cosa?

‘n cole doe stanssie col cess ‘n comun,

l’hai quasi paura chì’a i sia cheichedun

che ancora ‘s ricorda che mi son nà si,

paura ch’a i passa cheichedun ch’em conossa

dovei ciamè scusa, doveije contè ‘l percome, ‘l perché, che i me j’ero pover…

‘m monta ‘l magon, ‘m ven da piorè!

Ma peui aosso j’euis lassù al prim pian, e veddo mia mamma.. a rij e ‘m fa ciao

Cosi’, con la man. Alora ‘m ven veuja

‘d core ‘nt la stà, fermè ‘l prim ch’a passa

E crijeje: Munssù! Ma lo sa chiel che si

Al ses ‘d via Cuni, i son naje mi?
 
   

Visitors

Flag Counter