Print

‘l 27 e 29 ‘d Via Alba

‘l 27 e 29 ‘d Via Alba

 

‘l ventiset e vintenov ‘d Via alba, l’e gran casermon

Che gnanca na volta , l’era nen bel.

A smia ‘n tendon d’en griz cosi sporc

Ch’a cria – laveme -

Davanti a ‘ingress, li’ n’tel  parcheggio tante machine, tanti ramadan

Che pi gnun vurija avei.

Tante masnà ca smiu ‘d furmie, tanti colour,  tante raze.

Un po ‘d rabel, volu mac divertisse.

Quand intri li’ ‘t ven ‘l magon, lo stomi sara

‘t smia nen pussibil che possù sten li’ tante familie.

‘d fianc al palas j sun i pogeuj che j và ‘d fantasia a ciameje parei.

Li suta a i sun i cuntenitour del gas, tante cassiette, mese sciapà.

Se ‘t giri vers l’asilo i pogeuj ‘n comun con cola stendua con tanti tacun.

Tant rabel e odor ‘d siule

A l’è propi li’ che stava Soufian  con la sua familia.

Ma peui Mario l’ha volù ricordelo quand fasivu la festa.

Tante masnà, tanti balun.

Peui l’han purtà ‘l cous cous per fenlo tastè.

Che bela cosa, che bela giornà

Certe veute quasi ‘t vergogni, d’avei certe idee stranbe sansa pregiudizi.

Vergogna ma ‘d cosa?

‘d superè certi pregiudizi, certi bruti pensè.

Dovei spieghè il perché e ‘l percuma.

Suma tutti ‘l stess.

Bianch, neir, giaon.

‘n monta ‘l magon, ‘ven da piorè!

Ma peui aosso j’eui lassù, e veddo il ciuchè dla Madona

Fa ‘n soris e ‘m fa ciau cosi’ con la man.

Alora ‘m ven veuja ‘d core ‘nt la strà e fermè ‘l prim ch’a passa

E crijeje: Munssù! Ma lo sa chiel che mi sun dla pro loco

Duva je gnun pregiudizi?   

 

                                                                                M. Martina
 
   
Print

LA COSA PIU' BELLA

La cosa pi’ bela

 

I seve lòn ch’a l’è la còsa pi’ bela?

Nosgnor l’ha regalanla an costa tèra:

l’è la montagna e a noi basta guardela…

Là j’è ‘l camoss ch’a van da pera an pera!

La gent a seugna ‘nvece la richessa,

sensa savèj ch’a l’è rica e gnente a-j costa!

Basta, guardesse antorn; j’è tanta blessa:

el sol, el cèl e le fior fan bela mostra!

 

 


 

                                    Filastròcole

 

Un giari ant la crota aussava la cova,

tocava la vòta.

Rivaje Gioanin, tajaje ‘l coin,

rivaje Matè, tornailo tachè.

Tomà, Tomà, anco’ nen cogià,

torna levà.

Tista barista, fila la rista;

la rista se s-cianca,  Tista sla banca;

la banca droca, Tista sla cioca;

la cioca fa din dan, Tista a caval del can.

Gina Ginòta va per more,

riva a ca per ondes ore;

ondes ore son già sonà, papà e mama son già cogià;

Gina Ginota sa pa cò fè, pija la cicia e va a balè.
 
   

Visitors

Flag Counter